Cəhənnəm odunnan çıxarılıb cənnətə göndərilən şəxslər
Posted on : Əqidələr 10/16/2017 1:00:13 PM
Allahın misilsiz mərhəməti ilə cəhənnəm odundan çıxarılıb cənnətə göndərilən şəxslər
Allahın
misilsiz mərhəməti ilə cəhənnəm odundan çıxarılıb cənnətə göndərilən şəxslər
dedikdə hamı nəzərdə tutulmur. Hədislərdə günah etmiş mömin insanlar və digərlərinin
haqqına girməmiş inanclılardan söhbət gedir. Onlar günah etsələr belə o zaman
peşman olar və o günahda israr etməzdilər.
Əbu Səid Xudri
İslam Peyğəmbərinin belə buyurduğunu nəql edir:
“Günah etmiş
möminlər cəhənnəmə aparıldığı zaman onlar cəhənnəmdən çıxarılanadək od onlara
qarşı soyuyar. Bu zaman Allah-Taala mələklərinə buyurar: Bunları Mənim fəzl və
rəhmətimlə Behiştə aparın. Mənim mərhəmət və lütf dəryam sahilsiz, fəzl və
ehsanım sonsuzdur.”
Məsum
imamlardan belə bir rəvayət nəql olunmuşdur:
“Qiyamət günü
Allah-Taala iman əhlini bir nöqtəyə toplayıb buyurar: Mən sizin boynunuzda olan
haqqımdan keçdim, siz də bir-birinizə olan haqqınızdan keçin ki, cənnətə daxil
ola biləsiniz.”
Başqa bir rəvayət
də buyurulur: “Qiyamət günü gətirilən iman əhlinə belə buyurular: Ey mənim bəndəm,
nemətlərimə günahla cavab verdin, nemətlər artdıqca günahlarını artırdın. Bəndə
xəcalətdən başını aşağı salar. Rəhmət dərgahından ona xitab olunar: Ey mənim bəndəm,
başını qaldır. Səni günah etdiyin vaxt bağışlamış, günahlarına əfv qələmi çəkmişdim.”
Digər bir rəvayətdə
oxuyuruq: “Bəndəni yaxın gətirərkən günahların çoxluğu səbəbindən başını aşağı
salıb, xəcalətdən ağlayar. İzzət və rəhmət dərgahından xitab olunar ki: O gün
ki, günah edib gülərdin, səni utandırmadım. Bu gün ki, günah etməyə-etməyə xəcalət
çəkib ağlayırsan, sənə necə əzab verim?! Günahlarını bağışladım, Cənnətə girməyin
üçün icazə verdim!”
İslam Peyğəmbəri
(s) buyurur: “Allahın rəhməti yüz qismdir. Onlardan yalnız birini dünyada göstərib,
bəndələri arasında paylayar. Rəhmətinin 99 qismini isə öz ehsan xəzinəsində
saxlayaraq axirətdə üstünə bir qisim də əlavə edib bəndələrinə şamil edər.”
Şeyx Səduqdan rəvayət
olunmuşdur ki, Məsum İmamlar buyurur: “Qiyamət qurulan zaman Allahın geniş rəhməti
elə cilvələnər və günahkarlar dəstə-dəstə bağışlanar ki, hətta qovulmuş şeytan
da bağışlanmaq tamahına düşər.”
“Biharul-ənvar”da
(7-286) bir rəvayətdə buyurulur:
“Mömin bəndə qəbrə
qoyulduqdan sonra qəbrin üstü torpaqlanar, dost-tanışlar onu tənha qoyub gedərlər.
Allah-Taala lütf və rəhməti ilə xitab edər: Ey Mənim bəndəm, bu qaranlıqda tək
qaldın. Razılıqlarını qazanmaq üçün Mənə qarşı günah etdiyin kəslər səni tək
qoyub getdilər. Bu gün öz rəhmətimlə sənə elə bir nəvaziş göstərərəm ki, xəlq
olunmuşlar təəccüb edərlər. Sonra mələklərə xitab olunar: Ey Mənim mələklərim!
Bəndəm qərib, kimsəsiz, çarəsiz qalmışdır. İndi qəbirdə Mənim qonağımdır. Gedin
ona kömək edin, onun üçün Behiştə qapı açın, ətirli bitkilər və təamlar
hazırlayın. Sonra onu Mənim ixtiyarımda qoyun. Ona Qiyamət gününə qədər munis
olacağam.” / İslaminSesi