Suriya və xalqına düşmən mövqeyilə tanınan Səudiyyə Ərəbistanı Kürdistan Fəhlə Partiyasının (PYD) hərbi qanadları YPG və Asayiş-ə pul və silah dəstəyini təklif edib. Səud rejimi bunun müqabilində qarşı tərəfə qoyduğu yeganə şərt isə Suriya ordusuna qarşı döyüşmək tələbi olub.  

Sözügedən silahlı qruplara yaxın mənbələr Livanın "Səfir" qəzetinə verdikləri açıqlamalarında bildiriblər: "Səudiyyəli rəsmilərlə silahlı qruplardan olan nümayəndələr bir araya gəldi. Bu toplantıda Ali-Səud rejimi rəsmiləri silahlı qruplara silah və pul dəstəklərini təklif etdi".

Mənbələr Səud rejiminin Kürdistan Fəhlə Partiyasının hərbi qanadı və müttəfiqləri olan digər silahlı qruplara da edilən bu təklifin ilk dəfə edilmədiyinə diqqət çəkir. Səud rejiminin daha əvvəllər də bu silahlı qruplarla bir neçə dəfə əlaqə qurduğunu bildirilir. Mənbələr vəhhabi rəsmilərin hərbi və maliyyə dəstəyi vermək üçün yeganə şərtin kürdlərin olduqları bütün bölgələrdə Suriya ordusuna qarşı hücumlar həyata keçirmək olduğunu xüsusilə qeyd edir.