İsveçrədə  Sosial Demokrat Partiyasının sədri Kristian Levrat  İslamın rəsmi din olaraq tanınmasını istəyib. Yerli SonntagsZeitung qəzetinə açıqlama verən partiya lideri bu qanunun qəbul olunması və Konstitusiyada qeyd edilməsi barədə müzakirələrin vacibliyindən danışıb.

İslamın rəsmi din olaraq tanınacağı təqdirdə, din adamlarının təhsilinin və maliyyəsinin  İsveçrə tərəfindən qarşılanacağı, xarici, yaxud radikal çevrələrə buraxılmayacağını vurğulayan Levrat «İsveçrəyə xas  İslam din ola bilərmi? Bunu müzakirə etməliyik», - deyib.

Yerli «20 minuten» qəzeti «İsveçrədə İslam rəsmi din olmalıdırmı?», - deyə sorğu keçirib.