Yəmən ordusundan Ərəbistan muzdlularına ağır zərbə
Posted on : Digər sahələr 10/16/2017 1:00:13 PM
Yəmən ordusu ölkənin müxtəlif məntəqələrində Ərəbistan muzdlularına ağır zərbələr endirib.
Əl-Aləm
kanalının verdiyi məlumata görə, Ərəbistanın başçılıq etdiyi koalisiyanın
qırıcı-bombardmançı təyyarələri Yəmənin müxtəlif məntəqələrinə olan hücumlarını
davam etdirərək, sivil infrastrukturları, yolları, körpüləri və yaşayış massivlərini
bombalayırlar. Yəmən ordusu və xalq qüvvələri isə müxtəlif istiqamətlərdən irəliləməyə
çalışan Ərəbistan muzdlularının önünü kəsərək, onları geri çəkilməyə məcbur
ediblər. Bu əməliyyatlar zamanı çoxlu sayda muzdlu öldürülüb. Yəmən ordusunun
snayperləri də Nəcran məntəqəsində bir qrup Ərəbistan hərbçisini hədəfə alıb.
Ərəbistanın Yəmənə
olan hücumları davam edir. Ərəbistan qırıcıları Yəmənin müxtəlif məntəqələrində
sivil əhalini hədəfə alırlar. Təiz şəhərində yaşayış binaları tamamilə
dağıdılıb. Əlhədidə və Əlnəhəm şəhərləri də Ərəbistan qırıcılarının aramsız
hücumlarının şahididir. İb və Təiz əyalətləri arasındakı əlaqə körpüsü olan Əlcəda
körpüsü də dağıdılıb. Ərəbistan qırıcıları Əlcəvf əyalətində, Mətmə şəhərində
mülki əhalini və sivil avtomobilləri hədəfə
alırlar. xeyli sayda mülkinin öldüyü və
yaralandığı bildirilir.
Digər tərəfdən
Yəmən ordusu və xalq qüvvələri Səna əyalətində, Əlnəhəm şəhərinə doğru irəliləməyə
çalışan Ərəbistan muzdlularının önünü kəsərək, onlara ağır xəsarətlər vurublar.
Əlmələh məntəqəsində isə muzdluların bir hərbi maşını məhv edilib.
İŞİD terror
qruplaşmasının nümayəndəsi Əbu Müslüm Əlcəzayiri isə Təizdə gedən döyüşlərdə
öldürülüb. O, Yəməndəki terrorçuları birləşdirmək və mütəşəkkil terror şəbəkəsi
yaratmaq üçün Yəmənə göndərilmişdi. Əbu Müslüm Əlcəzayiri Təizin qərbində yəmənli
qüvvələrin hücumları zamanı müavini Əbu Təlhə Əl-Muritani və 6 cangündəni ilə birlikdə öldürülüb. Yəmənli
qüvvələrin Təizdə həyata keçirdikləri hücumlar zamanı bir qrup muzdlu ölüb və
yaralanıb.
Yəmənin Müdafiə
Nazirliyinin mətbuat xidmətindən verilən məlumata görə, ordu qüvvələri Əlcəvf əyalətində,
Səbrin məntəqəsi istiqamətində irəliləyirlər. Yəməndə xalq komitələrinin üzvlərindən
biri bu barədə deyir: "Əlğərab dağını muzdlulardan təmizləmişik və Allahın
köməkliyi ilə Təiz şəhəri tezliklə tamamilə muzdlulardan təmizlənəcək.
Xalq komitələrinin
üzvlərindən olan bir başqası da deyir: Biz Səbrin dağına doğru hərəkət edərək,
düşmənləri bu məntəqədən qovduq. Daha sonra Əlzəbə məntəqəsinə daxil olduq. Bu
məntəqədə düşmənin bir zirehli maşınını yandırdıq.
Əl-Aləm
kanalının müxbiri isə deyir: "Ərəbistan ərazisində gedən döyüşlərdə isə yəmənli
snayperlər Ərəbistanın 2 hərbçisini hədəfə alıblar. Həmçinin, onların 2 zirehli
maşınını yandırıblar. Şərəfə məntəqəsinin
şərqində yelrəşən Şəbəkə hərbi bazasını
da hədəfə alıblar. Həmçinin, Yəmən ordusunun raket bölməsi Ərəbistanın Nəcran məntəqəsindəki
hərbi bazalarından birini Zilzal-3 ballistik raketi ilə hədəfə alıb.