imam Xamneyinin imam Xumeyninin pak hərəmində çıxışı
Posted on : Şəxsiyyətlər 10/16/2017 12:59:46 PM
FOTOLAR-`İmam Xomeyni əsl Məhəmməd İslamını amerikan İslamına qarşı qoydu`
Ali Lider Ayətullah Seyyid Əli Xamenei bu gün Tehranda İmam Xomeyninin (r.ə) vəfatının 26-cı ildönümü münasibəti ilə keçirilən anım mərasimində çıxışında bildirib ki, İmam Xomeyninin fikri məktəbində istibdad və zalım qüvvələrlə ziddiyyət birinci sözü deyir və bu, o məsələdir ki, İran xalqı da onu duyur və müsəlman və qeyri-müsəlman xalqlar da onu hiss edirlər.
Ayətullah Xamenei deyib ki, İmam Xomeynidə mövcud olan ən önəmli məsələ əsl Məhəmməd (s) İslamının sübutu və amerika İslamının rədd olunmasıdır. "İmam Xomeyni əsl Məhəmməd (s) İslamını amerika İslamının qarşısında qoydu."
Ayətullah Xamenei Amerika İslamının nə olduğunu açıqlayıb və bildirib ki, Amerika İslamının bizim zamanımızda, İmam Xomeyninin zamanında və bütün zamanlarda iki qolu var və onlardan biri sekular İslam, digəri isə irticaçı İslamdır. "Buna görə, İmam Xomeyni sekular təfəkkürə malik olan , yəni dini, cəmiyyəti və insanların ictimai rəftarını İslamdan ayrı görmək istəyən kəsləri daim dinə qarşı çıxanlar kimi görürdü. İrticaçı , yəni yanlış əsaslara söykənən təəssübkeş və yeni fikirli insanlar üçün anlaşılmaz olan şəxsləri, geridə qalmış baxışa malik olan insanlar sırasında qərar verirdi. İmam bunların hər ikisini daim bir-birinin kənarında qeyd edirdi."
Ayətullah Xamenei bildirib ki, bu gün də yaranmış İŞİD, Əlqaidə və onlar kimi digər cərəyanlar Amerika və İsrail tərəfindən dəstəklənirlər, bu cəryanlar İslam adı ilə , lakin əməl, fiqh və islami şəriətdən uzaqdırlar. /
