Tashaio.com-ın məlumatına əsasən, İranlı həmkarı ilə müzakirə və fikir mübadiləsi aparmaq üçün Tehrana səfər edən Rusiya xarici işlər nazirinin müavini Aleksandr Qruşko bazar ertəsi Hüseyn Əmir Abdullahian ilə görüşüb və danışıqlar aparıb. 

İranın xarici işlər naziri bu görüşdə iki ölkə arasında əməkdaşlığın güclənməsini alqışlayıb və bu əməkdaşlığın inkişaf etdirilməsi və möhkəmləndirilməsinin vacibliyini vurğulayıb.

Əmir Abdullahian həmçinin regional əməkdaşlığın vacibliyini vurğulayıb və İranın 3+3 formatında Rusiya, İran, Türkiyə və üç Cənubi Qafqaz ölkəsinin xarici işlər nazirlərinin iclasına ev sahibliyi etməyə hazır olduğunu bildirib.

Rusiya xarici işlər nazirinin müavini Aleksandr Qruşko da öz növbəsində İran və Rusiyanın ikitərəfli, regional və beynəlxalq səviyyədə birgə əməkdaşlığına toxunaraq, bu əməkdaşlığın təşviqini vacib adlandırıb.