İqtisadçı Nazim Bəydəmirli bildirib ki, neft və qaz ölkələri üçün perspektiv elə də yaxşı görünmür: “Çox təəssüf ki, Azərbaycan hökuməti neft və qazın bahalığını bir fürsətə çevirmədi, qeyri-neft sektorunu inkişaf etdirmədi, vətəndaşlarının vəziyyətini yaxşılaşdırmadı”.

N.Bəydəmirlinin sözlərinə görə, ötən il neftin və qazın qiymətlərinin bahalaşması geosiyasətlə bağlıdır: “Neft erası bitir və alternativ enerjidən daha çox istifadə olunacaq: "Avropa İttifaqına daxil olan ölkələrdə 2025-ci ildən başlayaraq daxili yanma mühərriklər qadağan olunmağa başlamalıdır. Dünyada bir çox ölkələr alternativ enerjiyə keçir. Bu ona işarədir ki, mazut və neftlə işləyən elektrik stansiyaları da azalacaq".