Tashaio.com-ın məlumatına əsasən, "Əl-Məyadin" telekanalı bildirib ki, Yəmən ordusu və xalq komitələrinin BƏƏ-nin dərinliklərinə hücumunda 3 nəfər ölüb, 6 nəfər yaralanıb. 

Məlumata əsasən, hərbi əməliyyyat BƏƏ-nin paytaxtı Əbu-Dabi şəhərinin mərkəzində hələ də davam edir və bu şəhərin səmasını alov və tüstü bürüyüb. 

Bundan əvvəl Yəmən Silahlı Qüvvələrinin sözçüsü Yəhya Səri bu ölkənin silahlı qüvvələrinin BƏƏ-nin dərinliklərində keçirilən genişmiqyaslı xüsusi hərbi əməliyyatla bağlı yaxın saatlarda aşıqlama verəcəyini bildirib. 

Birləşmiş Ərəb Əmirliklərinin WAM dövlət xəbər agentliyi neft anbarlarının və Abu Dabi Beynəlxalq Hava Limanının yaxınlığında iki partlayışın baş verdiyindən xəbər verib.