Tashaio.com-ın məlumatına əsasən, İşğal olunmuş Qüdsün İslami Vəqflər Təşkilatı bildirib ki, bu gün (5 yanvar) onlarla sionist qəsəbə sakini və tələbə yəhudi ravvinlərin müşayiəti və sionist hərbçilərin dəstəyi ilə "Babül-Müğaribə" istiqamətindən  Əl-Əqsa məscidinə basqın ediblər. 

Məlumata əsasən, sionist qəsəbə sakinləri Əl-Əqsa məscidinin həyətlərində təxribat xarakterli hərəkətlər törədib, şərq hissəsində isə "Talmud" ayinlərini icra ediblər. 

Sionist hərbçilər də, qəsəbə sakinlərini mühafizə ediblər və fələstinlilərin Əl-Əqsa məscidinə daxil olmasına mane olmaqla, sionist qəsəbə sakinlərinin onlara hücum etməsinə şərait yaradıblar.