Kərbəla şəhidləri - Əbu Səmamə Saidi (Seydavi)
Kərbəla şəhidləri - Əbu Səmamə Saidi (Seydavi)
Posted on : Əqidələr 09/20/2021
Həmdan qəbiləsindən olan Əbu Səmamə Kufədə yaşayır və İmam Əlinin (ə) səhabələrindən idi. İmam Hüseynə (ə) məktub yazıb Kufəyə dəvət edənlər içərisində onun da adı vardır.
Müslim ibn Əqil Kufəyə daxil olduqda, Təmim və Həmdan qəbilələrinin başçısı olaraq ona yardım göstərmiş və onun xidmətində dayanmışdır. Kufəlilər Müslimə xəyanət etdikdə, Əbu Səmamə məxfi olur və nəhayət, Nafe ibn Hilal ilə birlikdə Kərbəla yolunda İmam Hüseyn (ə) qoşulur.
O, Aşura günü günorta vaxtı, döyüş əsnasında namaz vaxtını İmam Hüseynə (ə) xatırlayarkən, o Həzrət belə buyurur: “Namazı yada saldın, Allah səni namaz qılanlar və zikr edənlər sırasında qərar versin. Bəli, namazın ilk (fəzilətli) vaxtıdır.”
O, son namazını İmama iqtida etdikdən sonra, döyüş meydanına yollanır və Ömər Sədin qoşununda olan əmisi oğlu Qeys ibn Abdullah Saidini öldürdükdən sonra, özü də şəhadətə yetir.
