Lavrov: ABŞ-ın İrana qarşı birtərəfli sanksiyaları ləğv edilməlidir
Lavrov: ABŞ-ın İrana qarşı birtərəfli sanksiyaları ləğv edilməlidir
Posted on : Digər sahələr 04/13/2021
Rusiya və İran Qarabağdakı münaqişənin uzunmüddətli siyasi və diplomatik həllinə nail olmağın vacibliyini vurğulayıb və bölgə ölkələrinin bu prosesdəki rolunu nəzərdən keçiriblər.
Rusiya Xarici İşlər naziri Sergey Lavrov iranlı həmkarı Məhəmməd Cavad Zəriflə danışıqlardan sonra keçirilən mətbuat konfransında bildirib ki, biz Rusiyanın atəşkəsin davamlı olmasını təmin edən vasitəçilik səylərini nəzərə alaraq Qarabağdakı vəziyyəti müzakirə etdik:
"Münaqişənin nəticələrinin aradan qaldırılmasının və ümumiyyətlə uzunmüddətli siyasi və diplomatik həllinin ədalətli əsasda əldə edilməsinin vacibliyini vurğuladıq və bölgə ölkələrinin bu prosesdə oynaya biləcəyi rolu nəzərdən keçirdik".
Lavrov həmçinin qeyd edib ki, rəsmi Moskva Hərtərəfli Birgə Fəaliyyət Planı ilə əlaqəli olmayan ABŞ sanksiyalarının tamamilə ləğv edilməsinə israrlıdır: "Bizim mövqeyimiz aydındır. Bu mövqe iranlı dostlarımızın yanaşması ilə eynidir. Vaşinqton tərəfindən tətbiq olunan bütün birtərəfli sanksiyalar ləğv edilməlidir"
