Tashaio.com xəbər verir ki, TRT tibbi mənbələrə istinadən fələstinli uşağın şəhərdəki tərəvəz mağazalarından birində olarkən sionist rejimin əsgərlərinin atəşinin hədəfi olduğunu bildirib.

Fələstinli uşağın atasın Nidal Əl-Batş Anadolu Agentliyinə (AA) verdiyi açıqlamasında, atılan rezin güllənin 13 yaşlı oğlunun sağ gözünə dəydiyini və İzəddinin vurulduğu an dükanın içərisində olduğunu bildirib.

Ata oğlunun zədəsinin ağır olduğunu və gözünü itirəcəyindən narahat olduqlarını qeyd edib.

Digər tərəfdən, hadisənin təhlükəsizlik kamerası görüntüsündə İzəddinin çöldəki hadisələri tərəvəz dükanında izlədiyi vaxt plastik güllə ilə vurulduğu görünür.

Günortadan sonra Bab Əz-Zəviyyə bölgəsində, qanunsuz sionist məskunlaşma yerlərinə etiraz etmək istəyən fələstinli gənclər və İsrail rejiminin qüvvələri arasında kiçik qarşıdurmalar baş vermişdi.

İsrail rejiminin qüvvələri nümayişçilərə qarşı gözyaşardıcı qaz və rezin güllədən istifadə etmişdi.