Misirdə 3000 illik “itirilmiş şəhər” aşkar edildi
Misirdə 3000 illik “itirilmiş şəhər” aşkar edildi
Posted on : Digər sahələr 04/10/2021
Doktor Zahi Həvassın rəhbərlik etdiyi Misir tədqiqatçıları “Atonun Yüksəlişi” (The Rise of Aten) adlı nəhəng itmiş şəhəri tapıb. Şəhərin yaşı üç yarım min il olaraq qiymətləndirilir və 3-cü Firon Amenhotepin hakimiyyəti dövrünə təsadüf edir.
"Tashaio.com"ın lenta.ru-ya istinadən verdiyi xəbərə görə, tapılmış şəhər, hazırda Misirin ən qədim böyük şəhəridir. Şəhər, eramızdan əvvəl 1391 - 1353-cü illər arasında, hökmranlıq edən 18-ci xanədanın doqquzuncu kralı 3-cü firon Amenhotep tərəfindən qurulmuşdur. Şəhər Nilin qərb sahilində, Luksor bölgəsində yerləşir və qərbə, Deyr əl-Mədinə nekropoluna qədər uzanır. Misirşünasların qeyd etdiyi kimi, itmiş şəhərin tapılması Tutanhamonun türbəsindən sonra ikinci ən vacib arxeoloji kəşfdir. Tədqiqatçılar qazıntıların tarixin ən böyük sirlərindən birini həll etməyə kömək edəcəyinə ümid edir.