Tashaio.com Farsnews-a istinadən xəbər verir ki, Hadi Əl-Amiri baş nazir Mustafa Əl-Kazımini ABŞ-ın Suriya-İraq sərhədinə hücumları ilə bağlı istintaq başlatmağa çağırıb.

UNews-un verdiyi məlumata görə, Əl-Əmiri belə deyib: “Əldə etdiyimiz məlumatlar Vaşinqtonun iddialarının əksinə olaraq, bu hücumun hədəfinin Suriyadakı İraq İslami Müqavimətinin yox, Əl-Həşduş Şəbi olduğunu göstərir.

Vaşinqtonun İraq hökuməti ilə Pentaqon arasındakı əməkdaşlıq hesabını araşdırmaq istəyirik”.

Fəth koalisiyasının siyasi komitəsinin sədri və İraq parlamentinin üzvü Əhməd Əl-Əsədi də cümə günü verdiyi açıqlamasında bunları deyib: “Fevralın 25-i axşam ABŞ-ın Suriya ilə sərhəddəki İraqın Əl-Həşduş Şəbi qüvvələrini və hərbi kazarmaları hədəfə alan təcavüzü nəticəsində 30 nəfər öldü və yaralandı.

ABŞ-ın Əl-Həşduş Şəbi təşkilatının və İraq silahlı qüvvələrinin Suriya ilə sərhədindəki kazarmalarını dəfələrlə bombalaması, suverenliyin açıq şəkildə pozulmasıdır.

İraq hökuməti, millət və siyasi qrupların bu təcavüzlərə qarşı mübarizə üçün birləşməlidirlər”.