IRNA agentliyi bildirir ki, bunu jurnalistlərə açıqlamasında İranın Koronavirusla Milli Mübarizə Komitəsi İcra qərargahının rəhbəri və İranın daxili işlər naziri Əbdülrza Rəhmani Fəzli deyib.

Ə.Rəhmani Fəzlinin sözlərinə görə, İranın Xuzistan vilayətinə giriş-çıxış, bu vilayətin şəhərləri arasında hərəkətlərə məhdudiyyət tətbiq edilib.

İranlı nazir əlavə edib ki, Novruz bayramının yaxınlaşması ilə əlaqədar kütləvi toplantılar, sərgilərin keçirilməsi qadağan edilib. Həmçinin, şəhərlərarası yollarda hərəkətlərə ciddi şəkildə nəzarət olunacaq.

Rəhmani Fəzli müxtəlif ölkələrdən satın alınan vaksinlərin tez bir zamanda İrana gətirilməsi ilə əlaqədar müvafiq qərarların qəbul edildiyini deyib.