Vaşinqton: “Ənsarullahın terror siyahısından çıxarılması təzyiqi azaltmaq deyil”
Vaşinqton: “Ənsarullahın terror siyahısından çıxarılması təzyiqi azaltmaq deyil”
Posted on : Digər sahələr 02/16/2021
ABŞ Dövlət Departamenti Yəmən ordusu və inqilabi xalq komitələrinin Səudiyyə rejiminə qarşı etdiyi hücumları qınayıb və Ənsarullahın hərəkatının terror siyahısından çıxarılmasının Yəmənə təzyiqləri azaltmaq mənasında olmadığını vurğulayıb.
Tashaio.com xəbər verir ki, Əl-Cəzirənin xəbərinə əsasən, Dövlət Departamentinin sözçüsü Ned Prays mətbuat konfransında Yəmənin Ənsarullah hərəkatının Səudiyyə rejiminin obyektlərinə qarşı hücumlarını qınayaraq, Vaşinqtonun hücumlardan məmnun olmadığını vurğulayıb.
“Əgər Husilər (Ənsarullah) bunları terror siyahısından çıxartmağın təzyiqləri azaldacağını düşünürlərsə, yanılırlar”, - deyə o, bildirib.
Dövlət Departamentinin sözçüsü, diplomatiyanın Yəmən böhranının həlli üçün prioritet olduğunu və hərbi seçimin müharibəni sona çatdırmaq yolu olmadığını vurğulayıb.
Xatırladaq ki, ABŞ-ın dövlət katibi Entoni Blinken fevralın 12-si verdiyi bəyənatında Yəmənin Ənsarullah hərəkatını fevralın 16-sı xarici terror təşkilatları siyahısından tamamilə çıxaracağını açıqlamışdı.
