Tashaio.com Farsnews-a istinadən xəbər verir ki, Martin Qriffits Ər-Riyada ziyarət etdikdən sonra yanvarın 7-si Ədənə gəlmişdi.

O, Ər-Riyadda Yəmənin istefa verərək, qaçmış eks-prezidenti Əbdürrabu Mansur Hadi və digər dövlət rəsmiləri ilə görüşmüşdü.

Ənsarullah sözçüsü Məhəmməd Əbdüs-Salam Twitter üzərindən verdiyi reaksiyasında bunları qeyd edib: “Səudiyyə rejiminin koalisiyasının və blokadanın cinayətlərini ört-basdır etmək üçün BMT nümayəndəsi faydasız toplantılar və mərasimlər keçirir və blokada, liman və hava limanlarının bağlanmasına görə, Yəmən xalqının çəkdiyi böyük humanitar faciəni görməzliyə vurur”.

Qriffits ilə Hadi və istefa vermiş hökumətin digər səlahiyyətliləri arasındakı görüşdə Yəməndə atəşkəsə son verilməsi barədə birgə bəyannamədən bəhs edilmədi. Bu BMT-nin 2020-ci ilin mart ayından etibarən üzərində çalışdığı hədəf idi.