Tashaio.com "Leader.ir" saytına istinadla xəbər verir ki, Ali Rəhbər çıxışının əvvəlində İran və İraq xalqlarına şəhid general Qasim Süleymani və Əbu Mehdi Mühəndisin, eləcə də digər şəhidlərin şəhadətinin ildönümündə göstərdikləri möhtəşəm iştiraklarına görə təşəkkür edib.
Ali Rəhbər sözünün davamında bildirib:
"Həmçinin Kirman şəhərində şəhid Süleymaninin dəfn mərasimində şəhid olan şəxslərin, eləcə də Tehranda baş verən çox acı təyyarə qəzasının şəhidlərinin xatirəsini anmağı özümə lazım bilirəm. Həqiqətən çox acı bir hadisə idi. Ölkə rəsmilərini də əzadar etdi. Ümid edirik Allah həm Kirmanda şəhid olanları və həm də Tehranda şəhid olan şəxsləri öz lütf və mərhəmətində qərar versin. Onların ailələrinə səbr və təskinlik diləyirik. Əlbətdə məsul şəxslərin də görəcəyi işlər var ki, onlara göstəriş verilib".
Nüvə alimi şəhid Fəxrizadənin şəhadətinin 40 günlüyü və rəbbani alim Ayətullah Misbah Yəzdinin vəfatını xatırladan Ayətullah Xamenei bildirib ki, biz son günlər iki elmi şəxsiyyəti itirimişik. "Onlardan biri şəhid Fəxrizadə və digəri cənab Ayətullah Misbah Yəzdi idi. Hər ikisi öz sahəsində qabaqcıl elmi şəxsiyyətlər idilər. Hər ikisindən çox dəyərli miras qalıb. İnşallah onların işləri daha güclü və daha yaxşı formada davam etdiriləcək."
«19 Dey Qiyamı» möhtəva və məzmun baxımından qorunmalıdır deyən Ayətullah Xamenei bildirib ki, hadisənin diri saxlanılması bizə lazım və vacibdir.
Qum şəhərində baş verən «19 Dey Qiyamı»nın dini və ABŞ-a zidd bir qiyam olduğunu və həyəcandan irəli gələn bir qiyam olmadığını qeyd edən Ayətullah Xamenei bildirib ki, Qum qiyamı həmasə yaradan bir qiyam idi. "Qum qiyamı Qum şəhəri ilə kifayətlənmədi, Təbriz, Kirman, Şiraz, Məşhəd, Tehran və digər şəhərlərə də keçdi və beləcə yavaş yavaş ümimi bir qiyama çevrildi. Bu qiyamın rəhbəri böyük ruhani, təqlid mərcəyi və dini mərifət prinsiplərini yayan mərhum İmam Xomeyni (rə) idi. İlk gündən də xalqı dinə dəvət etdi. Bu qiyam həm dini və həmdə ABŞ-a zidd bir qiyam idi. «19 Dey Qiyamı» böyük bütə - Amerikaya - vurulan ilk İbrahim baltası idi. Ondan sonra da davam etdi və bu gün Amerikanın vəziyyətini görürsüz. Demokratiya rüsvayçılığı, seçki rüsvayçılığı və insan haqları rüsvayçığını görürsüz. Hər neçə gündən bir heç bir günahı olmayan , heç nədə ittiham olunmayan bir qaradərilini öldürürlər. Öldürən şəxs , qatil də cəzalanmır. İddia etdikləri dəyərlərini də bu gün hətta dostları belə ələ salır. Amerikanın iqtisadiyyatı da sözün həqiqi mənasında iflic olub. On milyonlarla işsiz, ac və evsiz şəxs. Bu Amerikanın bugünki durumudur. Qəribə budur ki, bəziləri hələ də belə bir durumda olan Amerikanı özlərinə qiblə və ümid yeri bilir. "
Ayətullah Xamenei bildirib ki, bu gün kütləvi informasiya vasitələrinin çoxalması ilə hadisələrin məzmununu dəyişdirmək və səhv yozmalara yol açmaqla qərəzli rəvayətçilər ortaya çıxır.
"Bu gün casusluq orqanlarının ən önəmli işlərindən biri budur. Dünyanın önəmli hadisələrini izləyir, öz istəklərini bir hadisənin təhlilində tanınmış şəxslərin , eləcədə başqalarının qələm və dili ilə məqalə və analiz formasında çatdırırlar. Son vaxtlar bir kitab oxudum ki, kitabın müəllifi Amerikalı idi . Bu kitab ABŞ Mərkəzi Kəşfiyyat İdarəsinin dünyanın qabaqcıl mətbuat və jurnallarına nüfuzundan bəhs edir. Mərkəzi Kəşfiyyat İdarəsi bununla özünün səhv və yalnış təhlil və təfsirini dünya ictimaiyyətinə çatdırır. Bu, həmişə mövcud olan bir təhlükədir."
Çıxışının davamında Ayətullah Xamenei bildirib ki, İran İslam Respublikası və ABŞ-ın başçılığı ilə hegemonlar cəbhəsi arasında çox təkrarlanan məsələrdən biri sanskiyalar , digəri İranın regionda iştirakı və İranın müdafiə və raket gücü məsələsidir.
"Qərb cəbhəsi İran xalqına tətbiq etdiyi xəbis addıma yəni sanksiyalara son qoymaldır və təcili dayandırmalıdır. Onların bu addımı xəbis və xaincəsinə bir addımdır. İran xalqı ilə səbəbsiz və böyük düşmənçilikdir."
Sanksiyaların tədriclə təsirsiz olduğunu vurğulayan Ali Rəhbər bildirib ki, İran öz iqtisadiyatını elə proqramlaşdırmalıdır ki, sanksiyalar problem yaratmasın.
İran parlamentinin uranı 20 faiz zəngiləşdirilməsi və Hərtərəfli Birgfə Fəaliyyət Planına dair öhdəliklərin ləğvinə dair layihəsini düzgün və doğru qərar adlandıran Ali Rəhbər bildirib ki, əgər onlar öz öhdəliklərinə qayıdarsa bizdə öhdəliklərimizə qayıdacayıq. "Bizim Amerikanın Hərtərəfli Bİrgə Fəaliyyət Planına qayıtmasına heç bir israrımız yoxdur və tələsmirik. Bizim istəyimiz budur ki, sanksiyaları götürsünlər. Əgər sanksiyalar götürülərsə ABŞ-ın bu plana qayıtmasının anlamı olacaq lakin əgər sanksiyalar götürülməzsə ABŞ-ın plana qayıtması mümkündür bizim ziyanımıza olsun".
İranın regiondakı iştirakının zərurətindən danışan Ali Rəhbər bildirib: "Dostlarımızın güclənməsi üçün regionda iştirak etməyə borcluyuq. Bizim regionda iştirakımız dostlarımızın və havadarlarımızın güclənməsi anlamındadır. Bizim regionda iştirakımız sabitlik yaradır, gərginliyi aradan qaldırır. Bunun ən bariz nümunəsi İŞİD təhlükəsinin zərərsizləşdirilməsidir. İranın regionda iştirakı var və olmalıdır."
İranın müdafiə gücünün artmasının düşmənin cürətini zəiflətdiyini deyən Ayətullah Xamenei bildirib ki, bu gün İranın müdafiə gücü elə bir həddə çatıb ki, düşmənlər öz hesablamalarında bu gücü nəzərə almağa məcburdurlar.
Ali Rəhbər Ayətullah Xamenei ABŞ və İngilətərə istehsalı olan vaksinlərin İrana idxalını qadağan edərək bildirib ki, ABŞ və İngiltərə vaksinin İrana girişi qadağandır. "Əgər Amerikalılar vaksin düzəltməyi bacarsaydılar özlərinin durumu hazırkı vəziyyətdə olmazdı. Belə ki, bir neçə gün öncə 24 saat ərzində koronavirusdan 4 min nəfər həyatını itirib. Onlara etimad və inam yoxdur. Onlar bəzi vaxtlar digər xalqların üzərində sınaq etmək istəyirlər. Əlbətdə mən Fransaya da xoşbin deyiləm, çünki Fransa bundan öncə İrana yoluxmuş qanları idxal edib."
Ayətullah Xamenei İranda vaksinin istehsalını qürurverici adlandırıb və ölkə gücünə və elminə arxalanaraq İran vakisinin istehsalında rolu olan bütün şəxslərə təşəkkür edib.
.jpg)
