İran və İraq ‘Ərbəin’ mərasiminin virtual keçirilməsini təşkil etmək üçün müştərək komitə yaradır
Posted on :
Digər sahələr
09/12/2020
İran və İraq “Ərbəin” mərasiminin virtual keçirilməsi və koronavirus pandemiyası ilə mübarizənin gücləndirlməsi üçün əməkdaşlığın artırılması haqqında razılığa gəlib.
Tashaio.com xəbər verir ki, bu haqda ötən gün İranın səhiyyə naziri Səid Nəməki ilə İraq səhiyyə naziri Həsən Ət-Təmiminin telfon danışığı olub.
İkitərəfli danışıq zamanı “Ərbəin” mərasiminin virtual keçirilməsini təşkil etmək üçün müştərək komitə yaratmaq haqqında razılıq əldə olunub.
“Ərəbin mərasiminin daha da əzəmətli keçirilməsi və Əhli-beyt (ə) ardıcıllarının İmam Hüseynə (ə) olan eşqini dünyaya çatdırmaq məqsədilə bu komitə işə başlayacaq”-deyə İran səhiyyə naziri Səid Nəməki vurğulayıb.
Ölkənin müxtəlif bölgələrindən insanların Kərbəlaya yürüş etmək istədiklərini bildirən İraq səhiyyə naziri Həsən Ət-Təmimi qeyd edib ki, koronavirusunun geniş yayılmasının qarşını almaq üçün insanlara virtual şəkildə və uzaqda İmam Hüseyni (ə) ziyarət etmək haqqnda marifləndirmə aparılır.
Müqəddəs məkanların ziyarətinin məhdudlaşdırılması ilə bağlı qərarın çox acı olduğunu deyən Təmimi qeyd edib ki, insanların və müsəlmanların sağlamlığını qorumaq, pandemiyanın geniş yayılmasının qarşısını almaq üçün bunu etməliyik.