Tashaio.com ABNA-ya istinadən xəbər verir ki, Bəhreyn İslam Hərəkatının lideri Ayətullah İsa Qasım, Beyrut limanında baş verən partlayışdan sonra Livan xalqına başsağlığı verərək bunu böyük və ciddi bir hadisə kimi qiymətləndirdiyini bildirib: “Bu hadisə və ortaya çıxan qorxu və çaxnaşma Livan xalqı üçün bir sınaqdır və bu ölkəyə kömək etmək üçün əməkdaşlıq və həmrəyliyi cəmiyyətin insanlığını doğru ölçmək üçün bir imtahandır”.

Ayətullah İsa Qasımın mesajı belədir: “Rəhman və Rəhim olan Allahın adı ilə!

Əgər dünyada birlik və bərabərlik olmasaydı, bütün varlıqlar məhv olardı və cəmiyyətdə birlik və həmrəylik olmazsa, cəmiyyət də olmaz və eyni zamanda cəmiyyət arasındakı bağların ayrılma və qopma ilə əvəz olunsa, həyat mütləq parçalanacaq.

Güclü cəmiyyətlərin qabiliyyətləri də dövrün problem və çətinlikləri ilə zəifləyir və insanlar bir-birlərini böyük dağıdıcı çətinliklər içində tərk edərsə, cəmiyyət hər gün dağılar və hər gün bir etnik qrup unudular.

Beyrut limanında zəlzələ təsiri yaradan dağıdıcı partlayışdan sonra Livanlı qardaşlarımızın yaşadığı qorxu və həyəcan bu dünyada din və vicdan üçün böyük və ciddi bir imtahandır və insani dəyərləri və ləyaqəti yada salır.

Belə bir təhlükəli və böyük hadisə insan cəmiyyətinin əməkdaşlığının zərərli təsirlərini azaltmasına səbəb olmazsa, Livanı və livanlıları normal bir vəziyyətə qaytarmaq üçün həmrəyliyi təmin etmirsə, deməli, insanın bəşəriyyətə qayıtması çox çətin və əlçatmazdır! İnsan cəmiyyətinin parçalanması o qədər dəhşətli səviyyəyə çatmışdır ki, bunun saysız-hesabsız sübutu həyatın söykəndiyi əxlaqın olmamasında aşkar görünür”.