Səudiyyə Ərəbistanı Yəmənin iki əyalətinə 38 hava zərbəsi endirib
Səudiyyə Ərəbistanı Yəmənin iki əyalətinə 38 hava zərbəsi endirib
Posted on : Digər sahələr 07/09/2020
Səudiyyə Ərəbistanın hərbi koalisiyası ötən sutka ərzində təkcə əl-Couf və Mərib əyalətlərinə 38 hava zərbəsi endirib.
Tashaio.com xəbər verir ki, bu barədə Yəmənin “Səba” informasiya agentliyinə istinadla xəbər verir.
Bildirilib ki, Yəmənin Mərib əyalətinin Məczər, Sirvah, Mahiliyyə və əl-Əbdiyyə rayonlarına ümmilikdə 34 hava zərbəsi, əl-Couf əyalətinə isə 4 hava zərbəsi endirilib.
Hava zərbələrinin xüsusi və ümumi əmlaka ciddi ziyanlar vurduğu deyilir.
Eyni zamanda husilər də cavab olaraq Səudiyyə Ərəbistanın sərhəd bölgəsi Nəcran istiqamətdə əməliyyat həyata keçirdiklərini bildiriblər.
Xatırladaq ki, 2015-ci ildən bu günə kimi Səudiyyə Ərəbistanı və müttəfiqləri Yəmənə təcavüz edir. Hərbi təcavüz nəticəsində on minlərlə insan həyatını itirib, milyonlarla insan xəstəliyə məhkum olub və məcburi köçkün vəziyyətinə düşüb.
Səudiyyə və tərəfdaşları dəniz və havadan blokada şəraitində olan Yəmənə zəruri ərzaq və tibbi ləvazimatın daxil olmasına mane olur.
Hazırda blokada nəticəsində milyonlarla yəmənli ağır şərtlər altında yaşamağa məcburdur. Buna baxmayaraq, yəmənlilər döyüş meydanında təcavüzkarlara qarşı mübarizəni davam etdirirlər.
