Tashaio.com Əl-Mənara istinadən xəbər verir ki, İsmayıl Haniyə Əsrin Müqaviləsi Planı və Qərb Sahilinin işğalı ilə əlaqədar Hizbullah baş katibinə məktub göndərib.

Haniyə məktubunda Əsrin müqaviləsi və Qərb Sahilinin ilhaqı planının Fələstin məsələsi və bölgədə işğalı təhlükələrindən bəhs edərək, sıraların birləşdirilməsini və bu təhlükələrə qarşı səy göstərilməsini istəyib.

Bu məktub HƏMAS-ın Livandakı nümayəndəsi Əhməd Əbdülhadinin başçılıq etdiyi HƏMAS-dan bir heyətin səfəri əsnasında Hizbullahın Fələstin məsələlərinə cavabdeh olan Həsən Həbibullaha verilib.

Tərəflər Fələstinlə bağlı son vəziyyəti, regional problemləri və Livandakı fələstinli qaçqınların vəziyyətini qiymətləndiriblər.

Görüşdə iştirak edənlər Qərb Sahilinin işğal planını rədd edərək, bu qərarın fələstinlilərə hücum olduğunu və hər kəsin eyni sıralarda bu təhlükəli planla mübarizə aparmalı olduqlarını vurğulayıblar.

Bu görüşdə Fələstin xalqının bu plana qarşı mübarizə gücü də vurğulanı və ərəb və İslam ölkələrindən və dünyadakı bütün azad insanlardan “Təcili Fəaliyyət” çərçivəsində sionist rejimin davam edən hücum və işğallarının qarşısını alması istənilib.

Görüşdə HƏMAS rəsmisi Livandakı fələstinli qaçqınların vəziyyəti ilə əlaqədar olaraq, çox çətin iqtisadi vəziyyətə düşdüklərini və buna görə insan və vətəndaş hüquqlarının təmin edilməli olduğunu bildirib.