Tashaio.com Sputnik-ə istinadən xəbər verir ki, Ann Linde sionist rejimin baş naziri Benyamin Netanyahunun iyulun 1-dən elan etməyi planlaşdırdığı, lakin təxirə saldığı ilhaq cəhdi ilə bağlı açıqlama verib.

Beynəlxalq təzyiqlər nəticəsində İsrail rejiminin Qərb Sahilinin bəzi hissələrini ilhaq etmək cəhdinin qarşısı alındığını bildirən Linde, beynəlxalq təzyiqin davam etdirilməli olduğunu qeyd edib.

Təhlükənin davam etdiyini qeyd edən Linde, bunları deyib: “İlhaq beynəlxalq qanuna zidd olduğu üçün iki dövlətli bir həll yolu təhlükə ilə üzləşəcək. İsrail rejimi və Fələstin arasındakı qarşıdurmalar geri dönməz bir nöqtəyə gələ bilər. Bu səbəbdən Avropa İttifaqı və İsveç ilhaq riskinin olduğu müddətdə təzyiq göstərməyə davam edəcək”.