HƏMAS Qəzzada İsrailə cəsusluq edən qrupu ələ keçirib
HƏMAS Qəzzada İsrailə cəsusluq edən qrupu ələ keçirib
Posted on : Digər sahələr 07/03/2020
Qəzzada İsrailə cəsusluq edən bir qrup ələ keçib.
Bu barədə Qəzzanı idarə edən hökumətin Daxili İşlər Nazirliyi bəyanat verib.
Bildirilib ki, şübhəli bilinən şəxslər təqib edildikdən sonra əməliyyat həyata keçirilib və mütəşəkkil qrupun üzvləri ələ keçib.
İsrailə cəsusluq edən bu qrupun əsas işi Qəzza daxilində təxribat yaratmaq olub.
Qeyd edək ki, 3 milyona yaxın sakini olan Qəzza 2009-cu ildən İsrailin hava, quru və sudan mühasirəsindədir. Bölgəyə ərzaq və yanacağın idxalı Misir sərhədlərindən baş tutur. İsrail son 11 ildə Qəzzaya qarşı 3 dəfə müharibəyə girsə də heç birində HƏMAS-ı devirməyə müvəffəq olmayıb.
