Ənsarullah Səudiyyə rejiminə qarşı sərhəd boyu hücumlarını artırdı
Ənsarullah Səudiyyə rejiminə qarşı sərhəd boyu hücumlarını artırdı
Posted on : Digər sahələr 06/27/2020
Yəmən ordusu və inqilabi xalq komitələri (Ənsarullah) Səudiyyə rejimi ilə sərhəd boyunca hücumlarını artırıblar.
Tashaio.com SouthFront-a istinadən xəbər verir ki, bu hücumlar çox güman Səudiyyə rejiminin rəhbərlik etdiyi koalisiyanın davam edən hücumlarına cavabdır.
İyunun 26-da Ənsarullahın tank əleyhinə bölmələri Səudiyyə rejiminin cənubundakı Nəcran əyaləti yaxınlığında bir sıra hərbi mövqeləri hədəfə alıb. Ənsarullah döyüşçüləri Səudiyyə rejiminin qüvvələrinin Əl-Savhdakı mövqelərini Rusiya istehsalı olan B-10 82 mm-lik minaatanlarla atəşə tutublar. Döyüşçülər dəqiq zərbələrlə hədəfi məhv ediblər.
Ənsarullah Əl-Həməd hərbi düşərgəsində də Səudiyyə rejiminin qüvvələrinin bir silah anbarını hədəfə alaraq, məhv ediblər. Bu hücumda da B-10 minaatanlarından istifadə edilib.
Ənsarullah bir gün əvvəl Nəcranın qərbindəki Cizan əyalətinin yaxınlığında iki ayrı hücumda Səudiyyə rejiminin qüvvələrinin bir toplaşma və bir hərbi buldozerini məhv etmişdi.
İyunun 25-də Ənsarullah döyüşçüləri Səudiyyə rejiminin Əl-Daair bölgəsində yerləşən hərbi mövqeyinə zərbələr endiriblər. Döyüşçülər mövqeyə nəzarəti ələ keçirərək, Səudiyyə rejiminin qüvvələrinin qoyub qaçdıqları bir pikap maşınını yandırıblar.