Tashaio.com xəbər verir ki, bu barədə Fələstinin rəsmi xəbər agentliyi WAFA məlumat verib.
Məlumata görə, işğlçı rejimin Qüds şəhərindəki planlaşdırma komitəsinin razılığı ilə şəhərin Vadisi əl-Cevz bölgəsindəki sənaye bölgəsində ilin sonuna qədər 200-ə yaxın iş yerinin bağlanması barədə xəbərdarlıq edilib.
Sökülməsi planlaşdırılan iş yerlərinin avtoyuma sexləri, müəssisələr və restoranların olduğunu bildirilir. Bu bölgə Qüdsdəki fələstinlilərin işlədiyi ən sıx yerlərdən biridir.
Fələstin rəsmiləri bildirir ki, bu qərarın məqsədi şəhərdəki fələstinlilərə məxsus yeganə sənaye bölgəsini ələ keçirməkdir.
İnsan haqları təşkilatları tərəfindən verilən məlumata görə, işğalçı rejim rəhbərliyi "İsrail dövlətinə lisenziyasız və ya sahib olmadığı" iddiaları ilə 2004-cü ildən bəri Qüdsdə fələstinlilərin 1007 müəssisəsini söküb.
