On birinci çağırış İran İslami Şura Məclisinin ilk iclası keçirilib
On birinci çağırış İran İslami Şura Məclisinin ilk iclası keçirilib
Posted on : Digər sahələr 05/27/2020
Martın 27-də On birinci çağırış İran İslam Respublikası İslami Şura Məclisinin ilk iclası keçirilib.
Tashaio.com xəbər verir ki, parlamentin ilk iclasını ən yaşlı deputat Seyid Rza Təqəvi aparıb.
Bugünkü iclasda Ali Rəhbər Ayətullah Xameneinin mesajı onun nümayəndəsi tərəfindən oxunub. Daha sonra İran Prezidenti Həsən Ruhani çıxış edib.
Parlamentin sədri və rəyasət heyətinin seçilməsi üçün deputatlar növbəti iclasda səsvermə keçirəcəklər. Növbəti iclasın mayın 28-də və ya 31-də keçiriləcəyi ehtimal olunur.
Parlamentin spikeri postuna keçmiş mer Məhəmməd Baqir Qalibaf, sabiq Təhsil naziri Həmidrza Haci Babayi, sabiq Yol və Şəhərsalma naziri Əli Nikzad və başqaları namizədliyini irəli sürüb.
