Almaniyada ‘Məhəmməd’ ən çox üstünlük verilən addır
Almaniyada ‘Məhəmməd’ ən çox üstünlük verilən addır
Posted on : Əqidələr 05/12/2020
Almaniya üçün Dil Cəmiyyəti (Gfds) 2019-cu ildə ölkədə doğulan körpələrə verilən adlara dair statistik göstəricilərini açıqlayıb.
Tashaio.com xəbər verir ki, hesabata görə, Berlin əyalətində 2019-cu ildə doğulan 21 min 622 uşaqdan 283-ünə "Məhəmməd" adı verilib.
Bremen əyalətində də ötən il doğulan 5 min 277 uşaqdan 74-nə "Məhəmməd" adı qoyulub.
Beləliklə 2019-cu ildə iki əyalətdə "Məhəmməd" adının uşaqlara ən çox verilən ad olduğuna diqqəti çəkilib.
"Məhəmməd" adı ayrıca Hessen əyalətində də ən çox üstünlük verilən adlar arasında 3-cü, Saarland əyalətində də 8-ci sırada yer alıb.
Ümumilikdə Almaniyada ən çox üstünlük verilən adlar siyahısında "Məhəmməd" 21-ci, "Əli" 73-cü və "Malik" 76-cı olub.
Qız uşaqlarına ən çox verilən adlar siyahısında "Leyla" 56-cı, "Amirə" 91-ci və "Əlif" 94-cü olub.
Siyahıya görə, ölkə daxilində 2019-cu ildə qız uşaqlarına ən çox "Hanna", oğlan uşaqlarına isə "Nuh" adı verilib.
