Yəməndə 12 milyon 200 min uşaq aclıq çəkir
Yəməndə 12 milyon 200 min uşaq aclıq çəkir
Posted on : Digər sahələr 04/08/2020
Səudiyyə koalisiyasının Yəmənə qarşı 26 mart 2015-ci ildə başlayan müharibəsi 26 mart 2020-ci ildə altıncı ilinə qədəm qoydu. Bu müharibə Qərbi Asiyanın ən kasıb ərəb ölkəsi olan Yəmən üçün ciddi insan itkisinə və maddi ziyana səbəb oldu. Hücumlar zamanı Yəmənin təhsil sektoruna da ciddi ziyan dəydi.
Tashaio.com xəbər verir ki, BMT-nin Uşaq Fondu UNİCEF-in 2020-ci ilin hesabatına görə, Yəməndə 12 milyon 200 min uşağın humanitar yardıma, qidaya ehtiyacı var və Yəməndən 1 milyon 71 min uşaq qaçqın düşüb.
Yəməndə humanitar yardıma ehtiyacı olanların böyük hissəsini 18 yaşına çatmamış uşaqlar təşkil edir. 1989-cu il Uşaq Hüquqları Konvensiyasına əsasən 18 yaşına çatmamış şəxslər uşaqlar hesab olunur.
Yəməndə təhsil ili hər il sentyabr ayında başlayır. 2010-cu ilin sentyabr ayında 2 milyondan çox yəmənli uşaq məktəbə gedə bilmədi. Bunun əsas səbəbi müharibə idi.
Bir çox Yəmənli uşaq da müharibədə öldü, yaralandı və ya əlil oldu. Bundan əlavə, bir çox Yəmənli uşaq valideynlərindən birini və ya hər ikisini itirmiş və praktik olaraq əqli cəhətdən zədəli olduqları və ya işləmək məcburiyyətində qaldıqları üçün təhsil almaq imkanlarını itirmişdir.
Yəmən Təhsil Nazirliyinin nümayəndəsi Abdullah Naami, 5 aprel 2020-ci il tarixində son 5 ildə Yəməndə 5 milyon tələbənin Səudiyyə koalisiyasının hücumlarından sonra təhsildən uzaq düşdüyünü və zehni olaraq zərər çəkdiyini söylədi.
1989-cu ildə Uşaq Hüquqları Konvensiyasına görə təhsil hüququ hər hansı bir uşağın ən vacib və ayrılmaz hüquqlarından biri kimi qəbul edilir.
Bundan əlavə, 18 yaşdan yuxarı insanlar və universitet tələbələri Yəməndə davam edən müharibə səbəbindən təhsillərini davam etdirə bilmədilər.
Müəllimlər də müharibə səbəbiylə bir çox problem və çətinliklərlə üzləşdilər, müharibə onların fəaliyyətlərinə çox mənfi təsir göstərdi.
UNİCEF-in 2020-ci ilin yanvar ayındakı hesabatında, Yəmənə qarşı müharibə və blokada səbəbiylə 11 əyalətdə müəllimlərə maaş verilmədiyini, bir çox müəllimin sosial vəziyyətlərinə uyğun olmayan digər işlərə yönəldiyini qeyd etdi.
Bundan əlavə, Səudiyyə koalisiyasının Yəmənə hücumlarında bu ölkənin məktəb və təhsil müəssisələrinə ciddi ziyan dəyib. Yəmən Təhsil Nazirliyinin nümayəndəsi Abdullah Naami Səudiyyə koalisiyasının Yəmənə hücumlarında 3500-dən çox təhsil müəssisəsi və məktəbə zərər verildiyini, bunlardan 402-nin dağıldığını, 1465-nin qismən ziyan gördüyünü və 666 müəssisənin bağlandığını, 993 təhsil müəssisəsinin də mühacirlərin məskunlaşması üçün istifadə edildiyini bildirdi.
Səudiyyə koalisiyası tərəfindən hava, quru və dəniz tərəfindən mühasirəyə alınan Yəməndə təhsil sektoru kitab və dəftərxana ləvazimatı ilə təminatda da ciddi çətinliklərlə üzləşir.
Bütün müharibələrin nəticələri təbii ki ağırdır, lakin təhsil üçün daha ağırdır, çünki bu ölkənin gələcəyinə aiddir.
