Səudiyyə Ərəbistanından Həcc mərasimi ilə bağlı çağırış
Səudiyyə Ərəbistanından Həcc mərasimi ilə bağlı çağırış
Posted on : Digər sahələr 04/01/2020
Səudiyyə Ərəbistanının Həcc və Ümrə naziri Məhəmməd Salih bin Tahir Benten dünya ölkələrini həcc mərasimi üçün müqavilələrin imzalanması məsələsində yeni növ koronavirus (COVID-19) ilə əlaqədar baş verənlərin dəqiqləşməsini gözləməyə çağırıb.
Tashaio.com xəbər verir ki, O, bu barədə "Əl-İhbariyyə" kanalına verdiyi müsahibədə bildirib.
O bildirib ki, koronavirusa görə müsəlmanlar bu ilin ümrə və həcc ziyarətlərinin planlamaları barədə tələsməsinlər.
Benten, Səudiyyə Ərəbistanının ümrə ziyarətinə gəlib ölkələrinə qayıda bilməyən 1200 nəfərə qayğı göstərdiklərini, bu mövzuda Səhiyyə Nazirliyi ilə əlaqəli şəkildə işlədiklərini, otellərdə karantində saxlanılan zəvvarların sağlamlıq vəziyyətlərinin yaxşı olduğunu söyləyib.
Nazir zəvvarların hansı ölkələrdən olduğu barədə məlumat verməyib.
Benten, Səudiyyə Ərəbistanından Ümrə vizasını alıb gələ bilməyənlərin pullarını geri ödədiklərini də sözlərinə əlavə edib.
