Yəmən Səudiyyə rejiminin mərkəz nöqtələrini vurdu
Yəmən Səudiyyə rejiminin mərkəz nöqtələrini vurdu
Posted on : Digər sahələr 03/30/2020
Yəmən silahlı qüvvələrinin sözçüsü Səudiyyə Ərəbistanının dərinliklərində Səudiyyə rejiminin obyektlərinə raketlər və pilotsuz aparatlarla (PUA) hücumu etdiklərini açıqlayıb.
Tashaio.com xəbər verir ki, bu barədə danışan Yahya Seri Yəmənnin raket və PUA qoşunlarının Səudiyyə koalisiyası üçün Riyad hökumətinə qarşı ən böyük müharibəyə başladığını deyib.
O, Səudiyyə Ərəbistanının paytaxtı Ər-Riyaddakı həssas hədəfləri "Zülfüqar" raketləri və "Semad 3" PUA-ları ilə, habelə Cizan, Necran və Asir bölgələrindəki iqtisadi və hərbi hədəfləri isə müxtəlif raket və "Kasif K2" PUA-ları ilə vurduqlarını söyləyib.
Yəmən silahlı qüvvələrinin sözçüsü hücumların Yəmənnin "Ənsarullah" hərəkatının baş katibi Əbdulməlik Bədrəddin Husinin verdiyi vədlərə uyğun həyata keçirildiyini vurğulayıb.
Yəhya Seri əlavə edib ki, Yəmənin mühasirəsi və hücumlar davam edərsə, Səudiyyə rəhbərliyi daha ağır hücumlara məruz qalacaq və yaxın günlərdə bu xüsusi və geniş əməliyyatlar haqqında ətraflı məlumat veriləcək.
Xatırladaq ki, Əbdulməlik Husi ötən həftənin cümə axşamı günü verdiyi açıqlamada Səudiyyə koalisiyasının hücumunun 6-cı ilində onlara qəfil zərbələr vurulacağını açıqlamışdı.
Qeyd edək ki, Səudiyyə Ərəbistanı, ABŞ, BƏƏ və bir sıra digər ölkələrin dəstəyi ilə 2015-ci ilin mart ayında Yəmənə təcavüz edir və ona qurudan, dənizdən və havadan blokada tətbiq edir.
Səudiyyə Ərəbistanı və müttəfiqlərinin Yəməndəki hərbi əməliyyatları 16 mindən çox yəmənlinin ölümünə, on minlərlə insanın xəsarət almasına səbəb olub.
Səudiyyə Ərəbistanının hərbi işğalı son dərəcə kasıb olan ərəb ölkəsi Yəmən üçün həm də kəskin ərzaq və dərman qıtlığına səbəb olub.
