Berlindəki məscidləri polis qoruyacaq
Berlindəki məscidləri polis qoruyacaq
Posted on : Digər sahələr 02/27/2020
Almaniyanın Hanau bölgəsindəki irqçi terror hücumundan sonra Berlindəki məscidlərdə təhlükəsizlik tədbirləri artırılacaq.
Tashaio.com “TRT haber”ə istinadla xəbər verir ki, təhlükəsizlik qüvvələri nümayəndələri müsəlmanlar da daxil olmaqla dini və etnik qrupların nümayəndələri ilə görüş keçirib.
Görüşdən sonra məscidləri və müsəlman mərkəzlərini qorumaq üçün yeni bir fəaliyyət planı elan edilib.
Plana əsasən, 107 məscidin yerləşdiyi Berlində təhlükəsizlik tədbirləri artırılacaq. Məscidləri polis geyimli və ya sivil polislər qoruyacaq.
Xüsusilə cümə və bayram namazlarında və Ramazan ayında təhlükəsizlik tədbirləri daha sərtləşdiriləcək.
Profilaktika tədbirləri çərçivəsində 2020 və 2021-ci illər üçün 5 milyon avro ayrılıb.
Qeyd edək ki, Berlində 2019-cu ildə irqçi hücumlarda 20 faiz artım olub. Belə ki, 2018-ci ildə 1600 irqçi hücum edilib, Berlində, 2019-cu ildə bu say 1800-ə yüksəlib.
