Malcolm X şəhadətinin 55-ci ildönümü Nyu Yorkda yad edildi
Malcolm X şəhadətinin 55-ci ildönümü Nyu Yorkda yad edildi
Posted on : Digər sahələr 02/25/2020
ABŞ-da irqçiliklə mübarizənin rəmzlərindən sayılan müsəlman ictimai fəal Malcolm X (Hacı Malik Əl-Şahbaz) şəhadətinin 55-ci ildönümü münasibətilə Nyu Yorkda mərasim təşkil olunub.
Tashaio.com “Anadolu” agentliyinə istinadla xəbər verir ki, yaşadığı dövrdə ABŞ-da hakim olan irqçiliyə qarşı təsirli mübarizəylə bütün dünyada kütlələrin böyük hörmətini qazanan Malkolm X-in şəhadətinin 55-ci ilində sevənləri məzarını ziyarət edərək dua edib.
Yüzlərlə insan Nyu Yorkun şimalındakı Grinburqdakı Fernklif qəbiristanlığına və 21 fevral 1965-ci ildə öldürüldüyü Harlemdəki Manhetten Audubon Zalının yanına toplanıb.
Bəzi insanlar Malkolm X-in məzarına gül qoysa da, bəziləri onun xatirəsi və qurbanlarını göz yaşları ilə xatırladı.
Afroamerikalılara qarşı ayrıseçkilik əleyhinə mübarizə aparan Malkolmın xatirəsinə həsr olunmuş müxtəlif tədbirlər ABŞ-ın digər ştatlarında da keçirilib.
