Tashaio.com xəbər verir ki, bu il general Hacı Qasim Süleymaninin şəhadətinin 40-cı günü münasibətilə “Hüzur qəhrəmanlığı, xalqın əzəməti və qəlblərin sərkərdəsi” adlanmış 22 Bəhmən yürüşü İslam müqavimət cəbhəsinin bu mücahid şəhidinin yolunun İranın, xüsusilə də Ərdəbilin inqilabçı xalqı vasitəsilə davam etməsinin təcəlligahına çevrildi.

Bu ilki 22 Bəhmən yürüşü “böyük şeytana” ciddi, əməli və qəti bir xəbərdarlıq idi ki, bu inqilab elə də uzaq olmayan bir gələcəkdə və İslam müqavimət cəbhəsinin möhkəm iradəsi ilə Amerika işğalçılarının Qərbi Asiyadan qovulmasına səbəb olacaq.

22 Bəhmən yürüşündə Ərdəbilin hüseynçi və inqilabçı əhalisi “əsrin sövdələşməsi” planına qarşı da nifrətini bildirdi.

Bu ilin həyəcanlı yürüşündə Ərdəbilin şəhid yetişdirən əhalisi əllərində general Hacı Qasim Süleymaninin şəkillərini tutaraq bu uca məqamlı şəhidə sevgilərini nümayiş etdirdi. Ərdəbil əhalisinin ucaltdığı plakat və afişalar arasında Azərbaycan Respublikası islamçı məhbuslarının şəkilləri də var idi. Ərdəbillilər islamçı məhbuslara dəstək verdiyini və onlarla həmrəy olduğunu göstərirdi.

Habelə, bu yürüşdə Ərdəbilin vilayətçi əhalisi Azərbaycan Respublikası xalqının Amerika terrorçuları tərəfindən şəhid edilmiş general Hacı Qasim Süleymaniyə sevgilərinə görə minnətdarlıq etdilər.