"Tashaio.com"ın Parstoday-a istinadən verdiyi xəbərə görə, Şeyx Qasim, vəziyyətin həddən artıq gərginləşməməyi üçün Hizbullahın ən qısa müddətdə hökumət qurmaq səylərini davam etdirəcəyini bildirib. Hizbullah baş katibinin müavini, Beyrutdakı son qarşıdurmalara da toxunaraq, etirazın hücum şəklinə keçməsi vəziyyətin daha böhranlı hala gəldiyini söyləyib. Bu arada, Livan kabinetinin formalaşmasına cavabdeh olan baş nazir Həssan Diab, bazar günü axşam Livan prezidenti Mişel Aunla görüşə gedib və hər iki tərəf iyirmi nazirdən ibarət bir hökumətin qurulmasını müzakirə edib. Livanlı gənc nümayişçilərdən bəziləri bazar günü axşam Beyrutun mərkəzindəki ticarət və maliyyə mərkəzlərinə, banklara və “Alpha” telekommunikasiya şöbəsinə hücum edərək, ictimai və şəxsi mülklərə ziyan vurub. Livan Qırmızı Xaç, dünənki gənc etirazçılarla hərbçilər arasında baş verən toqquşmalarda etirazçılardan 309 nəfərin yaralandığını bildirir.