Tashaio.com in yerli mediaya istinadən verdiyi xəbərə görə, İraqın paytaxtı Bağdad şəhərində Tahrir meydanı yaxınlıqarında naməlum şəxslər nümayişçilərə atəş açıb. Hadisə nəticəsində 16 nəfər ölüb, 30 nəfər yaralanıb.

Şahidlərin bildirdiyinə görə, hücum baş verməmişdən bir az qabaq işıqlar kəsilib, yaxınlıqda olmalarına baxmayaraq təhlükəsizlik qüvvələri müdaxilə etməyib.

Qeyd olunub ki, mülki avtomobillərdə olan bir qrup silahlı şəxs Əl-Hilani Meydanına qədər irəliləyərək oradakı etirazçılara atəş açıblar. 

Etirazçılar ordunu baş verənlərə müdaxiləyə və onları müdafiə etməyə çağırıb.