Məhkəmə müsəlman qadın polisin hicabla işə çıxmasına qərar verdi
Məhkəmə müsəlman qadın polisin hicabla işə çıxmasına qərar verdi
Posted on : Digər sahələr 12/02/2019
Cənubi Amerikanın şimal-şərq sahillərində yerləşən Trinidadda yaşayan müsəlman polis qadın Şeron Rup, vəzifə borcunu yerinə yetirərkən hicab geymək hüququnu müdafiə edib.
Tashaio.com xarici KİV-ə istinadla xəbər verir ki, O, 2018-ci ildə xidməti zamanı hicab qadağası ilə üzləşib. Belə ki, polis komissarı Stiven Uilyams ona baş örtüyündə işə gəlməyi qadağan edib.
Bundan sonra qadın məhkəmədə qanunsuz qadağaya etiraz edib. Hakim Marqaret Muhammad Rupun lehinə qərar verib.
Məhkəmənin qərarına görə, qadının hicab ilə işə gəlmək hüququ var, bundan əlavə, konstitusiya hüquqlarının pozulmasına görə böyük kompensasiya almalıdır.
Bir il sonra, eyni hakim Muhammad, Rupun dini etiqad hüququnun pozulduğuna görə aldığı kompensasiya miqdarı ilə bağlı başqa bir qərar verib.
