Fələstində ABŞ və İsrail rejiminin əleyhinə nümayişlər keçirilir
Fələstində ABŞ və İsrail rejiminin əleyhinə nümayişlər keçirilir
Posted on : Digər sahələr 11/28/2019
Çərşənbə axşamı minlərlə fələstinli, ABŞ-ın, Fələstin ərazilərində qeyri-qanuni sionist yaşayış məntəqələrinin inşasının dəstəyinə etiraz olaraq, aksiya keçiriblər. Fələstinlilər keçirdiyi etirazlar aksiyaları zamanı ABŞ və sionist rejimin bayraqlarını yandırıblar.
Tashaio.com "Deyerler.org"a istinadla xəbər verir ki, sionist rejimin yaraqlı qüvvələri nümayişçilərə hücum edərək ən azı 63 fələstinlini yaralayıb.
Noyabrın 18-də ABŞ dövlət katibi Mayk Pompeo, sionist rejimi tərəfindən Fələstin ərazilərinin işğalını dəstəkləyərək, Fələstin ərazilərində sionist rejimi tərəfindən qeyri-qanunu olaraq salınan yaşayış məntəqələrinin artıq beynəlxalq qanunlara zidd olmadığını bildirmişdi.
Pompeonun sözlərinə görə, Vaşinqton İsrail rejiminin İordan çayının qərb sahillərində apardığı tikinti işləriylə bağlı siyasətini dəyişib və məskunlaşmaların "özü-özlüyündə" beynəlxalq qanun pozuntusu olmadığını bildirib. Sionist rejim, beynəlxalq birliyin tələblərini nəzərə almadan və ABŞ-ın hərtərəfli dəstəyi ilə Fələstin ərazilərində qəsəbələr qurmağa davam edir. Beynəlxalq hüquqa uyğun olaraq, İsrail rejimi tərəfindən Fələstin ərazilərində tikilən yaşayış məntəqələrinin hamısı, qanunsuzdur.
