Bundan əvvəlki məhkəmə zamanı Koçaryanın vəkilləri onun istintaqın gedişinə mane olmayacağına inandırmağa çalışaraq, xatırlatmışdılar ki, daha əvvəl o, müttəhim statusunda 5 ay azadlıqda olarkən nə gizlənməyə cəhd edib, nə də istintaqa maneələr törədib.

Koçaryan isə öz çıxışında əmin etmişdi ki, “Hamıdan çox ədalətli məhkəmədə” onun özü maraqlıdı: “Mənim üçün burada durub və inandırmağa çalışmaq ki, qaçmaq və istintaqa əngəllər törətmək niyyətində deyiləm, xoş olmayan bir haldır. Bu, mənim tərcümeyi-halıma ziddir…

Kim nə deyir – desin, mən təkrar etməyə məcburam ki, ədalət məhkəməsindən qaçınmayacağam. Bir halda ki, ədalətli məhkəmədə hamıdan çox maraqlı olan mənəm”, – məhkəmə prosesi izləyən BBC müxbiri xəbər verir.

Koçaryanın işi ilə bağlı bütün məhkəmə proseslərində iştirak edən kiçik oğlu Levon Koçaryan qərarın “gözlənilməz olmadığını” bildirib.

O hesab edir ki, “atası mövcud hakimiyyət tərəfindən siyasi təqibə məruz qalır” və məhkəmə “sifariş yerinə yetirir”.

“Hakim Danibekyandan ədalətli qərar gözləmək sadəlövhlük olardı. Bu da onun növbəti qeyri-qanuni qərarı idi”, – Levon Koçaryan məhkəmədən sonra jurnalistlərə deyib.

Onun sözlərinə görə, Koçaryanın ailəsi haqqında son 10 il ərzində mətbuatda “nə yalan deyəsən ki, yazılmasın”.

“İllərlə KİV-lər bizim ailəmizi aidiyyətimiz olmayan müxtəlif bizneslərlə əlaqələndirib, ailəmizə dair mənfi ictimai rəy yaradılıb”, – o deyib.

Növbəti məhkəmə noyabrın 12-nə təyin olunub.

Ermənistanın ikinci prezidenti Robert Koçaryan və başqa yüksək vəzifəli dövlət məmuru və hərbçilər “1 mart 2008-ci il” işi üzrə Ermənistanda konstitusiya quruluşunu devirməkdə ittiham olunurlar. Koçaryan başqa bir cinayət işi üzrə xüsusilə böyük məbləğdə rüşvət almaq maddəsi ilə ittiham olunur.