"Nümayişlərin dağıdılması və Kərbəladakı İran konsulluğuna hücum cəhdləri zamanı beş nəfər ölüb, bir neçə nəfər isə yüngül yaralanıb", - agentlik tibb dairələrindəki mənbələrə istinadən məlumat verib.

Yerli İnsan Haqları Ali Komissiyası  isə təhlükəsizlik qüvvələri tərəfindən iğtişaşların qarşısının alınması zamanı konsulluğa hücum edənlər arasında üç nəfərin öldüyünü bildirib.

RİA Novosti-nin məlumatına görə, nümayişçilər konsulluğun qapısını yandırıblar, bundan sonra diplomatik nümayəndəliyin təhlükəsizlik xidmətinin əməkdaşları ilə qarşıdurmalar başlayıb.