`Əl-Qaidə`nin Cənubi Asiya üzrə lideri məhv edilib
Posted on : Digər sahələr 10/09/2019
Əfqan kəşfiyyatı "Əl Qaidə" liderlərindən biri olan pakistanlı Asim Ömərin öldüyünü açıqlayıb.
FaktXeber.com-un verdiyi məlumata görə, bu barədə Ariananews Milli Təhlükəsizlik Müdirliyinə (NDS) istinadla xəbər verib.
Məlumata görə, Pakistan vətəndaşı Ömər, sentyabrın 23-də Helmand əyalətinin Musa Kala mahalında ABŞ və Əfqan qüvvələrinin birgə əməliyyatı zamanl məhv edilib.
İdarədən verilən məlumata görə, o, "Taliban" əleyhinə təşkil olunan basqında "Əl-Qaidə"nin digər altı üzvü arasında ölüb.
Öldürülənlər arasında "Əl-Qaidə" lideri Ayman əl-Zavahiri ilə əlaqə saxlayan - Rayxan da var.
Qeyd edək ki, 1974-1976-cı illər arasında doğulduğu güman edilən Ömər əslən Hindistanın Uttar Pradeş regionundandır.
2016-cı ildə ABŞ Maliyyə Nazirliyi onu terror siyahısına əlavə edib.