Yəmən İnqilabi Ali Komitəsinin rəhbəri Məhəmməd Əli Əl-Husi Yəmən xalqının sülh məsələsində ciddi olduğunu qeyd edib.

Tashaio.com Əl-Məsirəyə istinadən xəbər verir ki, Məhəmməd Əli Əl-Husi açıqlamasında bunları qeyd edib: “Yəmən xalqı sülh məsələsində ciddidir, ancaq Ərəb koalisiyası Yəmənin sülh təşəbbüsünə əhəmiyyət vermədiyi üçün Yəmən Silahlı Qüvvələrinin çəkindirmə əməliyyatı davam edəcək”.

Əl-Husi Yəmənin Ali siyasi Şurasının sədri Mehdi Əl-Məşatın bu savaşı sona çatdırmaq üçün indiyə qədər bir neçə plan təqdim etdiyini xatırladaraq belə deyib: “Qarşı tərəf bu planları səhv şərh etdi və Yəmən ordusu ilə Ənsarullah hərəkatının zəif olduğunu zənn etdi”.