Blokadanı Yarmaq və Böyük Qayıdış Yürüşü fəaliyyətləri çərçivəsində oktyabrın 4-ü Qəzzanın şərqində sərhədə yaxın bölgələrdə həyata keçirilən 77-ci cümə aksiyalarına sionist əsgərlərin atəş açması nəticəsində bir nəfər şəhid olub, xeyli sayda fələstinli də yaralanıb.

Tashaio.com Palinfo-ya istinadən xəbər verir ki, Fələstin Səhiyyə Nazirliyi Qəzzanın şimalında yerləşən Cibaliya diyarının şərqində İsrail rejiminin qüvvələrinin nümayişçilərə həqiqi güllələrlə atəş açdığını və 28 yaşlı Ala Nizar Həmdanın şəhid olduğunu açıqlayıb.

Nazirlik, həmçinin təcili yardım qruplarının 22 nəfər həqiqi gülləylə olmaqla, 54 yaralıya ilkin yardım edildiyini bildirib.

Blokadanı Yarmaq və Böyük Qayıdış Yürüşü Milli Ali Şurası Qəzza xalqını sərhədə yaxın bölgələrdə keçiriləcək aksiyalara ciddi bir şəkildə iştirak etməyə dəvət edib.

Qəzza xalqı 30 mart 2018-ci ildən etibarən Blokadanı Yarmaq və Böyük Qayıdış Yürüşü aksiyaları çərçivəsində Qəzza sərhədində nümayişlərini davam etdirir.