İraqın cənubundakı ən ucqar nöqtəsindən Ərbəin zəvvarları Kərbəlanı ziyarət etmək üçün yürüşlərini davam etdirir.

Tashaio.com Al-Kafeel-ə istinadən xəbər verir ki, İraqın Bəsrə şəhərinin Fau rayonunun Ras Əl-Bişə məntəqəsində yüzlərlə zəvvar Ərbəin günü Kərbəlada olmaq üçün 20 gün əvvəl piyada yola düşüblər.

İraqın cənub məntəqələrindən Bəsrədə dəniz sahilindən yola düşən Ərbəin zəvvarları Kərbəlaya İmam Hüseynin (ə) ən böyük bayrağını daşıyırlar. 681 kilomterlik məsafəni İmam Hüseynin (ə) bayrağını piyada daşıyaraq, Kərbəlaya gedən zəvvar, bunu İmam Hüseynə (ə) eşqinə görə etdiyini bildirir. Bəsrəlilər bu mərasimi “Dənizdən çaya” adlandırırlar.

Bu arada qeyd edək ki, Ərbəin mərasimi üçün İraqın Kərbəla şəhərində olmaq məqsədilə İraq daxilindən və dünyanın hər yerindən zəvvarlar yola düşürlər.