‘Fələstinli uşaqlar və yeniyetmələrlə həmrəylik sammiti’ keçiriləcək
Posted on : Digər sahələr 09/30/2019
İranın paytaxtı Tehran şəhərində "III Fələstinli uşaqlar və yeniyetmələrlə həmrəylik sammiti" keçiriləcək.
İranın paytaxtı Tehran şəhərində "III Fələstinli uşaqlar və yeniyetmələrlə həmrəylik sammiti" keçiriləcək.
Tashaio.com İQNA-a istinadla xəbər verir ki, oktyabrın 3-də Tehranın "İslam İnqilabı və Müqəddəs Müdafiə Bağ Muzeyi"ndə Fələstinli yenitmə şəhid "Şəhid Məhəmməd Durra"nın xatirəsinə həsr edilmiş iclasda dünyanın müxtəlif ölkələrindən o cümlədən Suriya, Fələstin, İraq, İran, Türkiyə, Livan, Nigeriya, Gürcüstan, Tacikistan, Şri-Lanka, Hindistan, Malaziya, Braziliya, Yəmən və digər ölkələrdən siyasi, mədəni, elmi və dini şəxsiyyətlər iştirak edəcək.
Sionist rejiminə və hər növ işğalçılığa qarşı olan "Gənclər və yeniyetmələrin beynəlxalq birliyi"nin təşəbbüsü ilə keçirilən bu iclasın keçirilməsindən məqsəd fələstinli gənclər, yeniyetmə və uşaqların hüquqlarını qorumaq və onlara beynəlxalq dəstəyi artırmaqdır.
Qeyd edək ki, 19 il öncə ikinci İntifada zamanı canlı yayımların birində kamera fələstinlilərlə sionist əsgərlərin çarpaz atəşi altında qalan ata və oğulu göstərməyə başlayır. 12 yaşlı Məhəmməd əl-Durra atası ilə birlikdə beton çəlləyin arxasında gizlənir. Atası nə qədər əl eləsə də, atəş dayanmır. Təxminən bir dəqiqə ərzində baş verən atışma zamanı toz qalxır və toz yatdıqdan sonra Məhəmmədin cansız bədəni atasının dizləri üstündə görsənir. Sionist əsgərlər tərəfindən açılmış atəş nəticəsində həyatını itirən Məhəmməd İkinci İntifadanın rəmzi elan edilir.
