İranın Londondakı səfiri Həmid Baidinejad Böyük Britaniyanın “Stena İmpero” gəmisinin azad edildiyini bildirib.

Tashaio.com İRNA-ya istinadən xəbər verir ki, Həmid Baidinejad Twitter üzərindən verdiyi açıqlamasında, “Stena İmpero” gəmisinin sentyabrın 23-ü məhkəmə proseduralarının tamamlanmasından sonra, azad edildiyini deyib.

İran hökumətinin sözçüsü Əli Rəbii də, dünən (23 sentyabr) həftəlik mətbuat konfransında, bu gəminin yoluna davam edə biləcəyini bildirmişdi.

Xatırladaq ki, İran İnqilab Keşikçiləri Ordusunun (SEPAH) İctimaiyyətlə Əlaqələr İdarəsi 19 uiyul tarixində verdiyi açıqlamasında, beynəlxalq dəniz qanunlarını pozduğu üçün Hörmüz boğazında Britaniyanın bir neft tankerinin saxlanıldığını bildirmişdi.