Aşura günü münasibətilə Yəmənin bir çox şəhərində milyonların iştirakı ilə matəm yürüşləri təşkil olunub.

Tashaio.com Əl-Məsirəyə istinadən xəbər verir ki, paytaxt Səna başda olmaqla, ölkənin Saada, İbb, Hudeyda və digər şəhərlərində küçələrə çıxan Yəmən xalqı Aşura faciəsini hüznlə yad ediblər. Yəmənlilər Aşura faciəsini dərk etməyin bütün böhranların açarı olduğunu qeyd ediblər.

Nümayişçilər müqavimət hərəkatlarının şüarlarını da daşıyıblar. “Ölüm olsun Amerikaya”, “Ölüm olsun İsrailə”, “Ölüm olsun Ali Səuda” şüarlarını səsləndirən yəmənlilər, İmam Hüseynin (ə) məktəbindən heç vaxt imtina etməyəcəklərini bildiriblər.

Yəmənin Ənsarullah Hərəkatının baş katibi Seyid Əbdülməlik Bədrəddin Əl-Husi Aşura günündə etdiyi çıxışında, Yəmənə hücum edənlər qarşısında qələbəyə qədər müqavimət göstərməyə vurğu edərək, Yəmənin təzyiqlər qarşısında İran İslam Respublikasının yanında olduğunu bildirib. Deyerler.org Ansarollah-a istinadən xəbər verir ki, Seyid Əbdülməlik sentyabrın 10-u paytaxt Sənada Aşura mərasiminə qatılan minlərlə insanan xitab etdiyi çıxışında, on minlərlə yəmənlinin ölümü və yaralanması və milyonların evindən didərgin düşməsi ilə nəticələnən Yəmən müharibəsinin bu ölkə millətinin məzlumluğunu göstərdiyini, bu gün Yəmənin günün Kərbəlası olduğunu qeyd edib.

Əl-Husi yəmənlilərin İran, Livan, Suriya və Bəhreyn xalqlarıilə həmrəylik içində olduqlarını bildirərək, müqavimətli Yəmən millətinin öz dövlət müstəqilliyindən güzəştə getməyəcəyini və mövqelərinin İsrail rejimi ilə düşmənçilik və Fələstin xalqının yanında dayanmağa və ABŞ-a qarşı çıxmaq olduğunu söyləyib.

Ənsarullahın rəhbəri, həmçinin bəzi ərəb ölkələrinin İsrail rejim ilə münasibətlərini normallaşdırmaq cəhdini pisləyərək, bunu böyük bir xəyanət kimi qiymətləndirib.