Bəhreyndə Ali Xəlifə diktator rejiminin təhlükəsizlik qüvvələri bəhreynli əlil Hani Məhəmməd Ən-Nəccarı həbs ediblər.

Tashaio.com LualuaTV-yə istinadən xəbər verir ki, 14 fevral Gənclər Koalisiyasının siyasi bürosunun rəhbəri İbrahim Əl-Aradi Twitter üzərindən verdiyi bəyanatında, haqqında danışılan əlil vətəndaşın sağlamlığıyla əlaqədar bütün məsuliyyətin Bəhreyn rejiminə aid olduğunu bildirib.

O, həbsxanaya salınan Hadi Məhəmməd Ən-Nəccarın anadangəlmə “Proksimal əzələ zəifliyi” xəstəliyinə mübtəla olduğunu qeyd edib.

Xatırladaq ki, Bəhreyn rejimi 2011-ci ildən etibarən Bəhreyn xalqının dinc nümayişlərini qan tökərək və nümayişçiləri həbsxanaya salaraq dayandırmağa çalışsa da, indiyə qədər müvəffəqiyyətli ola bilməmişdir.