BƏƏ-nin dəstəklədiyi qüvvələrin Səudiyyə rejiminə elan etdikləri şərt məlum oldu
Posted on : Digər sahələr 08/15/2019
Yəmənin cənubunda qurulan Keçid Şurasının spikeri Saleh Əlnud Yəmənin istefa vermiş eks-prezident Mənsur Hadinin şuraya sadiq qüvvələrdən Ədəni tərk etmələri tələbini rədd edərək, iki tərəf arasındakı münaqişənin yeganə həll yolunun, Yəmənin cənubunun rəhbərliyini tamamilə Keçid Şurasına təhvil verməkdən ibarət olduğunu qeyd edib.
Yəmənin cənubunda qurulan Keçid Şurasının spikeri Saleh Əlnud Yəmənin istefa vermiş eks-prezident Mənsur Hadinin şuraya sadiq qüvvələrdən Ədəni tərk etmələri tələbini rədd edərək, iki tərəf arasındakı münaqişənin yeganə həll yolunun, Yəmənin cənubunun rəhbərliyini tamamilə Keçid Şurasına təhvil verməkdən ibarət olduğunu qeyd edib.
Tashaio.com Əl-Aləmə istinadən xəbər verir ki, Saleh Əlnud xain Mənsur Hadi rejiminə bağlı İslah partiyasının bütün üzvlərindən Yəmənin cənubundan çıxmalarını istəyib.
Ədəndəki mövcud gərginliklərə son qoymaq üçün ölkənin şimalı və cənubunda olmaqla iki dövlətli həll variantına dəstək verən Əlnud, cənubdakı yəmənlilərin ölkənin cənubuna hakim olmalı olduğunu qeyd edib.
Keçən həftə Yəmənin cənubunda qurulan və BƏƏ tərəfindən dəstəklənən Keçid Şurasına sadiq qüvvələr Səudiyyə rejiminin himayəsi altında olan xain Mənsur Hadinin qüvvələri ilə dörd gün döyüşdükdən sonra Ədəndə idarəçiliyi ələ keçirmişdi.
Xain Mənsur Hadi rejimi Ədən şəhərində baş verən bu prosesi BƏƏ tərəfindən əvvəldən planlaşdırılan bir çevriliş kimi xarakterizə etmiş və Səudiyyə rejimindən kömək istəmişdi. Səudiyyə rejimi də Ədən mövzusunda Ər-Riyadda təcili iclas keçirmişdi.
Xain Hadi rəhbərliyinin dövlət nazirinin müavini Məhəmməd Abdullah Hadrəmi isə açıqlamasında, iki tərəf arasında hər cür müzakirələrin başlaması üçün BƏƏ-nin dəstəklədiyi qüvvələrin Ədənin cənubunda ələ keçirdikləri bölgələrdən çıxmalı olduğunu vurğulamışdı.