İranın xarici işlər naziri Məhəmməd Cavad Zərif Livan milləti və müqavimətinin İsrail rejiminin məğlubiyyətə məruz qalma imkanını dünyaya sübut etdiyini deyib.

Tashaio.com Mehrə istinadən xəbər verir ki, Zərif Livan Əl-Əhd saytına verdiyi açıqlamasında, 2006-cı ildə 33 günlük müharibədə Livanın İslami Müqavimətinin zəfərini qeyd edib.

Zərif Livan xalqı və İslami müqavimətinin sionist rejimin müharibə və qan tökmək üçün hər şeyi edə bilməyəcəyini göstərdiklərini söyləyib: “Bu qələbə bütün bölgənin, beynəlxalq hüquq və əlaqələrin qələbəsi idi və bölgə ilə dünya xalqları Livan milləti, İslami Müqavimət və Hizbullahın müqavimətinə borcludurlar, çünki bunlar İsrail rejimi ilə yanaşı, İŞİD-in təkfirçi terrorçuları qarşısında da dayandılar”.